Inger Bråtveit

er romanforfattar, redaktør og omsetjar, og vinnar av Bjørnsonstipendet 2009.

Inger Bråtveit er frå Suldal. Ho debuterte i 2002 med romanen Munn mot ein frosen fjord . For den fekk ho Nynorsk litteraturpris, og ho vart kåra til "Årets debutant" på Forfatterne.net. Boka er også blitt omsett til svensk. Ho har vore medredaktør av litteraturtidsskriftetet Vagant og omsetjar for Det Norske Bibelselskap sitt prosjekt «Bibel 2010», ein fullstendig revisjon av nynorsk -og bokmålsutgåva av Bibelen.


Bråtveit har sidan 2008 arbeidd saman med den norske musikaren og skribenten Jenny Hval, eller Rockettothesky, og saman har dei mellom anna skrive og framført dei performative førestillingane Frå Mummy Big til Medea og Take My Voice.Hausten 2008 kom Bråtveits andre roman Siss og Unn, ein roman om mødrer og døtrer, om å klara seg og å gå til grunne.


Inger Bråtveit fekk sølvmedaljen i Dag og Tid si kåring av Årets Beste Nynorskbok 2008 for Siss og Unn, utan å vera nominert. Ho vart også nominert til Kritikerprisen.

I 2009 fekk Bråtveit Bjørnsonstipendet, og i 2010 mottok ho Suldal Mållags målpris.


Du møtar henne i programmet Når Bibel blir litteratur og teater, saman med dramaturg og tidlegare teatersjef ved Teatret Vårt, Carl Morten Amundsen, og poet Paal- Helge Haugen.